Luksemburgu nis fushatën kombëtare për inteligjencën artificiale

Luksemburgu lançoi platformën AI4Lux, një iniciativë për të lidhur kompanitë, qendrat kërkimore, institucionet publike dhe startup-et në fushën e inteligjencës artificiale, si pjesë e strategjisë më të gjerë të vendit për tu bërë qendra evropiane për teknologjitë dixhitale.

Qëllimi është të përshpejtohet zbatimi i teknologjive të inteligjencës artificiale në ekonomi, kërkim dhe shërbime publike përmes bashkëpunimit të sektorit publik dhe privat, si dhe të lehtësohet qasja në iniciativat dhe projektet ekzistuese në atë fushë.

Kjo iniciativë është pjesë e strategjisë më të gjerë kombëtare të Luksemburgut që vendos inteligjencën artificiale, të dhënat dhe teknologjitë kuantike midis prioriteteve kryesore të zhvillimit deri në vitin 2030. Qeveria planifikon të forcojë sovranitetin dixhital dhe konkurrueshmërinë e vendit përmes këtyre fushave, së bashku me zhvillimin e infrastrukturës dhe mbështetjen e inovacionit.

Strategjia parashikon zbatimin e zgjidhjeve të inteligjencës artificiale në disa sektorë, nga administrata publike dhe financat te shëndetësia, energjia dhe arsimi, si dhe zhvillimin e infrastrukturës dixhitale të përparuar dhe superkompjuterëve që do të mbështesin kërkimin dhe zhvillimin e teknologjive të reja.

Lançimi i platformës AI4Lux është pjesë e përpjekjeve të qeverisë për të lidhur më tej kërkimin, industrinë dhe institucionet shtetërore dhe kështu për të përshpejtuar transformimin dixhital të vendit, duke zhvilluar projekte inovative dhe duke tërhequr kompani të reja teknologjike në Luksemburg.