Turqia gati të vendosë avionët luftarakë F-16 në Qipro

Turqia po shqyrton mundësinë e vendosjes së avionëve luftarakë F-16 në Qipron Veriore, sipas një burimi nga Ministria turke e Mbrojtjes të cituar nga Reuters. Ky veprim po analizohet si pjesë e një plani të mundshëm për të rritur sigurinë në rajon.

Sipas burimit, ideja është pjesë e një planifikimi me faza që synon të forcojë mbrojtjen e shtetit turko-qipriot në veri të ishullit. Qipro mbetet e ndarë mes veriut turko-qipriot dhe jugut që kontrollohet nga Republika e Qipros.

Vendosja e mundshme e avionëve F-16 do të shërbente për të rritur kapacitetet mbrojtëse dhe për të siguruar reagim më të shpejtë ndaj çdo kërcënimi të mundshëm në rajon.

Megjithatë, burimi theksoi se bëhet fjalë për një plan që ende është në fazën e shqyrtimit.