Kosova U17 e mbyll me humbje ciklin kualifikues, rikthehet në Ligën B
- Bota Sot
Kosova U17 e ka përfunduar raundin e dytë kualifikues për Kampionatin Evropian me një humbje të thellë 8:3 ndaj Hungarisë.
Ndeshja është zhvilluar të shtunën në Queluz të Portugalisë, ku futbollistet e reja të Kosovës kanë arritur të bëjnë vetëm rezistencë të pjesshme ndaj kundërshtareve.
Me këtë rezultat, Kosova e ka mbyllur garën në vendin e fundit të grupit dhe do të rikthehet në Ligën B për ciklin e ardhshëm kualifikues.
Në këtë ndeshje, Anisa Meha ka realizuar dy gola për Kosovën, ndërsa një tjetër e ka shënuar Reina Halili.
Kjo ka qenë humbja e tretë për Kosovën në këtë fazë të kualifikimeve. Më 1 mars, kosovaret pësuan humbje të rëndë 8:0 nga Spanja, ndërsa më 4 mars janë mposhtur 3:0 nga Portugalia.
Në raundin e parë kualifikues për Euro 2026, Kosova kishte garuar në Ligën B dhe si e dyta në grup kishte arritur të kalojë në Ligën A për raundin e dytë.
