Sulmuesi francez dëshiron të fitojë trofe me Atletico Madrid

Antoine Griezmann do të vazhdojë të luajë për Atletiko Madrid. Sulmuesi ka deklaruar se nuk ka në plan të shkojë në SHBA për momentin dhe se është i fokusuar vetëm te Atletiko.

Antuan Grizmann ka folur hapur për të ardhmen e tij, duke i dhënë fund shumë spekulimeve që kanë qarkulluar në javët e fundit për një largim të mundshëm nga Atletico Madrid.

Pas një periudhe ku emri i tij është lidhur me disa klube, veçanërisht në kampionatin amerikan MLS, lojtari francez ka theksuar se për momentin është plotësisht i fokusuar te skuadra madrilene dhe te objektivat që ka këtë sezon.

Griezmann deklaroi se ndihet shumë mirë në Madrid dhe se vazhdon të jetë i motivuar për të ndihmuar ekipin në arritjen e rezultateve të mëdha.

Sulmuesi, i cili është një nga lojtarët më të rëndësishëm  të skuadrës në vitet e fundit, theksoi se për të prioritet mbetet performanca në fushë dhe sukseset me klubin.

Në deklaratën e tij, ai u shpreh se dëshiron të vazhdojë të japë maksimumin për Atletico Madrid dhe të luftojë për trofe të rëndësishëm, duke përmendur edhe ambicien për të fituar titullin në kampionat dhe për të bërë një paraqitje sa më të mirë në kompeticionet europiane.

Megjithatë, Griezmann nuk e përjashtoi mundësinë e një aventure të re në të ardhmen. Ai pranoi se ideja për të luajtur një ditë në MLS e tërheq dhe se kampionati amerikan është një opsion interesant për fazën e fundit të karrierës së tij.

Griezmann është një nga lojtarët më të rëndësishëm në  klubin madrilen. Me golat vendimtarë në shumë ndeshje, ai është kthyer në një figurë simbol të skuadrës dhe një nga futbollistët më të dashur për tifozët.

Ndërkohë, drejtuesit e klubit e kanë bërë të qartë se dëshirojnë ta mbajnë Grizmann në skuadër edhe në vitet e ardhshme, duke e konsideruar atë si një nga liderët kryesorë të ekipit.

Kështu, tifozët e Atletico Madrid mund të vazhdojnë ta shohin edhe për një kohë Grizmann duke udhëhequr skuadrën drejt sfidave të radhës.