Dembele gati për sfidën

PSG ka marrë një lajm të mirë për ndeshjen kthyese kundër Chelsea-s në kuadër të Ligës së Kampionëve.

Sulmuesi anësor i Paris Saint-Germain, nuk ka pësuar lëndim  pavarësisht se u zëvendësua gjatë fitores së thellë 5-2 ndaj Chelsea-s në sfidën e parë të 1/8 e finales së Champons-it.

Sipas “RMC Sport”, Dembele pritet të jetë i gati për ndeshjen kthyese që do të zhvillohet në “Stamford Bridge”.

Në këtë përballje, ndikim të madh pati edhe Khvicha Kvaratskhelia, i cili u aktivizua nga stoli dhe shënoi dy gola, duke ndihmuar skuadrën pariziene të sigurojë një fitore bindëse.

Kjo fitore e rëndësishme i ndihmon kampionët francezë të rikthejnë besimin pas disa rezultateve të vështira, përfshirë përballjen me AS Monaco, dhe njëkohësisht forcon planet ofensivë të ekipit për vazhdimin e sezonit.