Katër të vde*kur dhe një i lënduar rëndë shembja e skelave në kantierin e ndërtimit në Vjenë

Katër persona kanë humbur jetën si pasojë e shembjes së skelave në një kantier ndërtimi në oborrin e një ndërtese banimi, në një lagje luksoze të Vjenës, ka bërë të ditur të martën një zëdhënës i policisë.

Shkaku i shembjes dhe natyra e saktë e punës që po zhvillohej nuk janë bërë menjëherë të qarta, ka shtuar zëdhënësi, duke nënvizuar se ndërtesa ishte e vjetër, tipike për zonën, ku pjesa më e madhe e arkitekturës është nga shekulli i 19-të.

Një zëdhënës i shërbimit të ambulancës ka bërë të ditur se një person i pestë, një burrë 45-vjeçar, është i lënduar rëndë.

Policia po interviston dëshmitarë, përfshirë punëtorë ndërtimi që i mbijetuan aksidentit, ka shtuar zëdhënësi.

Lexo edhe:

Prizren: Mungesë hapësirash në varreza, problem edhe rezervimi i vendeve nga familjarët – reagon “Eko Regjioni”