Rivalët e Shqipërisë marrin lajmin e keq në prag të ndeshjes

Vetëm pak ditë më parë ishte në fushë dhe shkëlqeu.

Lukas Skorupski është portieri numër 1 I Bolonjës në Serinë A dhe I kombëtares së Polonisë, por pikërisht tani, në prag të duelit të rëndësishëm, u detyrua të dorëzohet.

Gardiani 34-vjeçar nuk do jetë në dispozicion të trajnerit Jan Urban për sfidën gjysmëfinale të plej ofit të Kupës së Botës ndaj Shqipërisë.

Polaku u lëndua pas duelit të Serisë A që Bolonja e fitoi 1-0 në fushën e Sasuolos, dhe do të duhet të mungojë për disa kohë.

Skorupski ka nisur të jetë titullar I Polonisë që nga marsi I vitit 2023 e gjithsej ka 20 ndeshje me ekipin përfaqësues.

Ai ka munguar në duelet e mëparshme ndaj Shqipërisë, dhe po ashtu ishte I dëmtuar në dy sfidat e fundit të polakëve, kundër Holandës e Maltës në eliminatoret e Kupës së Botës.

Siç informojnë mediat nga Varshava, trajneri Urban pritet të mbështetet tek portieri I Volfsburgut, Kamil Grabara ose tek gardiani tjetër, Bartlomiej Dragovski që luan në Superligën polake, për Vidzevin e Lodzit.

Përtej mungesës së numrit 1, sërish skuadra kombëtare që mbiquhet bardhekuqtë ose shqiponjat, ka yje të tjerë të shquar si Levandovski, Zielinski, Kivior apo Zalevski.