Vinicius ‘çmend’ Europën

Ylli i Real Madridit, Vinícius Júnior, po vazhdon të shkruajë histori në Champions League, duke tejkaluar edhe shifrat e hershme të legjendës Cristiano Ronaldo.

Sulmuesi brazilian u bë së fundmi lojtari më i ri që arrin 80 paraqitje në këtë kompeticion, duke e shënuar këtë moment me dy gola në fitoren ndaj Manchester City, që i siguroi madrilenëve kualifikimin në çerekfinale.

Para moshës 26-vjeçare, Vinícius ka regjistruar 34 gola dhe 26 asistime në Ligën e Kampionëve, shifra dukshëm më të larta se ato që kishte Ronaldo në të njëjtën moshë (26 gola dhe 13 asistime).

Ndikimi i tij është edhe më i madh në fazën me eliminim direkt, ku ka kontribuar me 26 gola dhe 13 asistime, duke konfirmuar aftësinë për të vendosur ndeshje të mëdha.

Braziliani po i afrohet edhe shifrave të Lionel Messi dhe Neymar.

Me 29 përfshirje në gola në 39 ndeshje të fazës “nokaut”, ai renditet menjëherë pas Messit për këtë grupmoshë, ndërsa ka lënë pas emra të mëdhenj si Kaká dhe Neymar si braziliani më produktiv në këtë fazë.

Në total, Vinícius ka arritur në 60 kontribute në gola dhe është shumë pranë rekordit të Neymarit prej 73, duke ndërtuar një trashëgimi të jashtëzakonshme në elitën e futbollit evropian.