Trajneri i Juventusit flet para sfidës me Sasuolon

Juventus i afrohet sfidës kundër Sasuolos me dëshirën për të vijuar ndjekjen e vendit të katërt. Luçiano Spaleti shikon drejt fazës përfundimtare të sezonit në konferencën për shtyp të ditës para ndeshjes.

“Mungojnë 9 ndeshje dhe, duke qenë se nuk mund të luajmë gjithmonë më mirë se kundërshtarët tanë, duhet të identifikojmë momentin kyç për të marrë rezultatet.

Duhet të dihet të zgjedhësh. Kemi disa shqetësime fizike, do të shohim nesër në mëngjes dhe do të zgjedhim. Kemi disa lojtarë me dhimbje të vogla, por stoli gjithmonë ka qenë një ndihmë e madhe. Falë tyre, shpesh kemi gjetur zgjidhje për alternativa të ndryshme”, tha ai.

Spaleti pritet të përdorë skemën me Jildiz si sulmues.

“Mund të nisim përsëri kështu, por nuk është një vendim përfundimtar.

Ndonjëherë zgjidhet të lësh një lojtar jashtë për të prishur ritmin e ndeshjes. Tani ka 16 lojtarë në fushë, jo më 11.

Shumë ndeshje vendosen në fund, aty ndryshojnë rezultatet. Boga na ka ndihmuar shumë, klubi bëri mirë që e identifikoi.

Të dy portierët janë në nivel të lartë, nga ajo që kam parë. Ky periudhë i ka bërë mirë Di Gregorios, e pazakontë krahasuar me dy vitet e tij te Juventusi, ku ka mbetur jashtë për disa ndeshje. Ka bërë reflektime të ndryshme, e pashë të vendosur në fytyrë dhe sy. Çfarëdo zgjedhjeje të bëj, do të kem përgjigje pozitive nga të dy”, vazhdoi më tej.

Në javët e ardhshme, Spaleti mund të rinovojë kontratën me klubin bardhezi gjatë pushimit për kombëtaret.

“Mund të jetë momenti i duhur, ka më pak stres dhe nga ana ime ka gjithë disponueshmërinë për të dëgjuar atë që klubi dëshiron të më thotë. A bëj mirë apo keq të flas për vitin tjetër?

Nuk është momenti. Ndeshjet ecin dhe ka disa gjëra për t’u vlerësuar, por ndihem shumë mirë me këta djem.

Nuk kemi qenë inferiorë ndaj Gallatasarajit… por në atë moment, të luash dy pjesë lojë me një lojtar më pak bëri diferencën. Zgjedhja e momenteve është thelbësore për të fituar ndeshjet”, mbylli Spaleti.