Rritja e çmimit të naftës, Mitsotakis merr masa të forta për të mbrojtur qytetarët grekë

Qeveria greke ka marrë masa të reja mbështetëse ekonomike nga efektet e luftës në Lindjen e Mesme. Kryeministri Kyriakos Mitsotakis tha se do te subvencionohen 300 milionë euro, të cilat lidhen me:

1. Ndërhyrjen në koston e karburantit. “Shteti do ta subvencionojë në rrjetin e shpërndarjes, me 16 cent për litër. Që do të thotë se përfitimi për konsumatorin dhe profesionistin me çmimin përfundimtar, do të arrijë në 20 cent për litër”

2. Për të mbrojtur familjet nga rritja e çmimeve të naftës do jepet mbështetje e veçantë në formën e një Karte Dixhitale të Karburantit.

3. Për rritjet e cmimit të plehrave kimike, shteti do të subvencionojë 15% të shumës së faturave të tyre të blerjes për fermerët.

4. Do vendoset një kompensim i veçantë për kompanitë e transportit detar bregdetar. Megjithatë, kompensim i cili do të lidhet me zbritjet e detyrueshme që duhet të aplikohen në bileta.

“Ajo që dua të theksoj është se sa më sipër bëhet e mundur falë përfitimeve të sjella nga trajektorja pozitive e ekonomisë dhe menaxhimi i kujdesshëm fiskal. Këto janë masa që forcojnë “rezistencën” sociale në kohë të turbullta. Megjithatë, ato nuk e dobësojnë thelbin e kësaj përpjekjeje, as nuk rrezikojnë atë që kemi arritur.

Dhe meqenëse askush nuk e di se sa do të zgjasë kjo luftë, ne padyshim po mbajmë rezerva në rast se situata ekonomike globale përkeqësohet ndjeshëm.

Mesazhi ynë, pra, është një: qeveria mbetet dhe do të mbetet në krah të çdo burri dhe gruaje greke, siç ka bërë në çdo moment të vështirë deri më tani. Ndërsa atdheu ynë do të kapërcejë përsëri të gjitha stuhitë e shkaktuara nga ngjarjet përtej kufijve të tij, duke pasur si armë të përditshme unitetin dhe kohezionin e tij shoqëror”, ka theksuar Mitsotakis.