Rusia godet territorin e NATO-s

Shërbimi i sigurisë së brendshme të Estonisë njoftoi se një dron i lëshuar nga Rusia ka goditur oxhakun e një termocentrali në verilindje të Estonisë.

Një dron i lëshuar nga Rusia goditi oxhakun e një termocentrali në Estoni, njoftoi të mërkurën në mëngjes shërbimi i sigurisë së brendshme i vendit, sipas Euronews.

“Një dron goditi oxhakun e termocentralit në Auvere. Askush nuk u lëndua nga incidenti”, thuhet në deklaratën e këtij shërbimi, i njohur si ISS, duke shtuar se “droni hyri në hapësirën ajrore estoneze nga hapësira ajrore ruse”.

Termocentrali në Auvere ndodhet në verilindje të Estonisë, pranë kufirit me Rusinë.