Befason Vinícius

Vinícius Júnior ka bërë një deklaratë befasuese në prag të FIFA World Cup, duke theksuar se Brazili nuk duhet konsideruar si favorit për të fituar trofeun.

Sulmuesi i Real Madridit pranoi se po kalon një moment shumë të mirë në karrierë dhe ndihet gati të marrë më shumë përgjegjësi me përfaqësuesen.

“E di që shumë njerëz presin që të jem protagonist.

Jam i përgatitur për çdo sfidë dhe nuk dua të humbas sërish në Botëror”, u shpreh ai.

Megjithatë, pavarësisht cilësive individuale dhe emrave të mëdhenj në skuadër, Vinícius tregoi se rezultatet e fundit nuk e vendosin Brazilin në rolin e favoritit kryesor. Ai nënvizoi se skuadra ka potencial të madh, por ende ka nevojë për më shumë stabilitet dhe harmoni në lojë.

Futbollisti brazilian përmendi edhe formën e mirë të lojtarëve si Raphinha dhe João Pedro, si dhe talentin e të rinjve si Endrick dhe Estêvão Willian, duke theksuar forcën kolektive të ekipit.

Në fund, Vinícius shtoi se ardhja e trajnerit Carlo Ancelotti ka sjellë më shumë qartësi në lojë dhe ka ulur presionin mbi lojtarët. “Nuk duam të jemi favoritë, duam të rikthejmë Brazilin në majë”, përfundoi ai.