Media sllovake përmend restorantet dhe shqiptarët e Kosovës! Nga frika reagon federata

Federata e Futbollit reagoi ashpër ndaj lajmeve për tifozët e Kosovës: A do ta zënë tifozët e tyre gjysmën e “Tehelne pole”?, pyet mediumi sllovak “Pravda”.

“Deri në 50% e tifozëve në stadiumin e Bratisllavës thuhet se mund të jenë nga Kosova, sipas mediave lokale.

Federata e Futbollit e Sllovakisë (SFZ) reagoi menjëherë ndaj këtij lajmi.

Tifozët e Kosovës, sipas raportimeve, kishin mbushur restorantet në Bratisllavë të mërkurën në mbrëmje”, shkruan më tej.

“Në lidhje me raportimet mediatike të pakonfirmuara nga mediat e huaja se më shumë se 50% e tifozëve në ndeshjen gjysmëfinale të play-off-it për 2026 Kampionatin Botëror mes Sllovakisë dhe Kosovës (luhet sonte, 26 mars në orën 20:45 në stadiumin NFS në Bratislavë) do të jenë nga jashtë vendit”, shkruan media sllovake. 
SFZ publikoi një deklaratë zyrtare:

“Të gjitha kufizimet e mundshme gjeografike që kishim në dispozicion janë përdorur gjatë shitjes së biletave.

Ne e dimë se mes mbajtësve të biletave në sektorët vendas ka disa qindra emra me mbiemra ballkanikë. Megjithatë, këta mund të jenë persona që kanë pasaporta të vendeve të Bashkimit Evropian, përfshirë edhe atë sllovake.

Federata e Futbollit e Kosovës ka marrë 1,000 bileta për sektorin mysafir dhe 300 bileta të kategorisë së parë, në përputhje me rregulloret e UEFA.

Në çdo hyrje, dokumentet do të kontrollohen dhe do të krahasohen me emrat e deklaruar gjatë blerjes së biletave. Nëse konstatohet se janë mbajtës të pasaportës së Kosovës që nuk konsiderohen si rrezik nga organizatorët (kjo mund të rezultojë edhe me refuzim hyrjeje sipas rregullave tona), atyre do t’u ofrohet zhvendosja në një sektor të përgatitur posaçërisht për arsye sigurie, ku duhet të jenë vetëm tifozët mysafirë.

Megjithatë, të gjitha rastet do të vlerësohen individualisht – qëllimi është të sigurohet komoditeti më i mirë i mundshëm për të gjithë vizitorët e ndeshjes pa dallim”.

Sipas SFZ-së, tifozët e Kosovës nuk paraqesin rrezik sigurie.

“Ne jemi në komunikim të vazhdueshëm me përfaqësuesit e Federatës së Futbollit të Kosovës dhe UEFA-s. Menaxheri ynë i sigurisë, i cili është gjithashtu zyrtar sigurie i UEFA-s, më parë ka trajnuar menaxherin e sigurisë të Federatës së Kosovës. Ne do të zbatojmë të gjitha procedurat e provuara në menaxhimin e spektatorëve.

Ne besojmë fuqishëm se të gjithë tifozët kanë ardhur në ndeshje për futboll.

Në rast se vërehet ndonjë aktivitet në sektor që mund të prishë sigurinë, rekomandojmë që menjëherë të kontaktohen organizatorët, të cilët do të jenë të pranishëm në numër të mjaftueshëm për të parandaluar çdo incident të mundshëm.

Sipas informacioneve që kemi në dispozicion, tifozët e Kosovës nuk paraqesin rrezik të madh sigurie dhe nuk ka probleme me ta".