Bullgaria pothuajse dyfishon shpenzimet për mbrojtje në një dekadë

Sipas një raporti vjetor të NATO, Bullgaria ka shënuar një rritje të ndjeshme të buxhetit për mbrojtje gjatë periudhës 2014–2025, duke e çuar atë nga 1.31% në 2.14% të Prodhimit të Brendshëm Bruto (PBB).

Raporti i prezantuar në Bruksel thekson se vetëm gjatë vitit 2025, shpenzimet ushtarake të Bullgarisë u rritën me 13.78% krahasuar me një vit më parë. Në të njëjtën kohë, vendet anëtare të NATO-s në tërësi kanë arritur një mesatare prej 2.77% të PBB-së për shpenzime në mbrojtje.

Sipas të dhënave, Bullgaria vazhdon të jetë ndër vendet me një pjesëmarrje të lartë të shpenzimeve për personelin ushtarak, të cilat përbëjnë 54.3% të totalit. Ndërkaq, 28.4% e buxhetit është dedikuar për infrastrukturë, ndërsa 16.9% për mirëmbajtje, shkruan BTA.

Në raport gjithashtu rikujtohet vendimi i marrë nga vendet anëtare të NATO-s gjatë vitit të kaluar për të rritur shpenzimet e mbrojtjes në 5% të PBB-së deri në vitin 2030.