Mbappe: Nuk mund ta imagjinoj një Botëror pa Neymarin

Kylian Mbappe, pas performacës së shkëlqyer kundër Brazilit, ka tërhequr të gjitha vëmendjet, jo vetëm për të tashmen e tij te Real Madridi, por për deklaratat e tij të sinqerta për të ardhmen e kombëtares rivale dhe ish-shokut të tij të skuadrës, Neymar.

Përballë pasigurisë për rolin që ylli brazilian do të luajë në procesin drejt Kupës së Botës 2026, Mbappe ishte i prerë në shprehjen e rëndësisë së të pasurit më të mirën në ngjarjen më të madhe të futbollit.

Kur u pyet nga “Globoesporte” nëse kombëtarja aktuale braziliane tashmë i përket Vinícius Jr. apo nëse është ende e fokusuar në figurën e Neymar, sulmuesi francez u përgjigj me diplomaci dhe buzëqeshje.

Mendoj se mund t’i përkasë të dyjave. Vini tani duhet të bëjë një hap tjetër me kombëtaren, por Neymar është dhe do të mbetet Neymar. Ai është një lojtar fantastik”.

Mbappe, i cili ndante një dhomë zhveshjeje me “Ney” te PSG, theksoi se hierarkia e numrit 10 brazilian është e domosdoshme. “Kupa e Botës FIFA është konkurrenca e yjeve. Për mua Neymar është një nga më të mëdhenjtë. Nuk mund ta imagjinoj një Kupë Bote pa Neymar”.

Pavarësisht momentit të madh që po kalon kombëtarja franceze, Mbape shmangu varjen e shenjës së favoritit, duke treguar respekt të thellë për historinë e pesë herë kampionit të botës.