Lukaku nuk kthehet në Itali,

Tensioni midis Napolit dhe Romelu Lukakut po hyn në një fazë edhe më delikate.

Pas ditësh pritjeje, klubi napoletan e ka bërë zyrtar qëndrimin e tij me një deklaratë në rrjetet sociale. 

Sulmuesi belg nuk është kthyer në Itali dhe nuk është paraqitur për rifillimin e stërvitjes, duke zgjedhur të vazhdojë rikuperimin e tij në Belgjikë. Ky vendim është shpjeguar tashmë nga vetë lojtari, i cili theksoi nevojën për t’u rikthyer në formën 100% .

“SSC Napoli njofton se lojtari Romelu Lukaku nuk iu përgjigj thirrjes së sotme për rifillimin e stërvitjes. Klubi rezervon të drejtën për të vendosur nëse do të marrë masa të përshtatshme disiplinore, si dhe nëse do të vazhdojë aktivitetin e lojtarit brenda skuadrës në mënyrë të përhershme.”

Deklarata zyrtare nga klubi hap qartë derën për skenarin më ekstrem, përjashtimin nga skuadra.

Prandaj, Napoli nuk përjashton asnjë masë dhe po vlerëson çdo mundësi për të menaxhuar një situatë që tashmë ka shpërthyer.