Xhevdet Mazrekaj para finales historike Kosovë – Turqi: Sonte nuk luhet vetëm futboll

Po vijnë minutat drithërues.

Po vjen finalja e madhe, finalja historike mes kombëtares së Kosovës dhe Turqisë.

Fituesi i kësaj finale jetike do të shkojë direkt në Kampionatin Botëror në futboll

Kosova, Shqipëria, diaspora dhe kudo që jetojnë e veprojnë shqiptarët, me sy e vesh janë nga stadiumi “Fadil Vokrri” në Prishtinë.

Editori i gazetës kombëtare “Bota sot“, z. Xhevdet Mazrekaj, thotë se sonte nuk janë vetëm gola.

“Sonte nuk luhet vetëm futboll.

Ardian Kozniku thotë: minimumi dy gola për Kosovën.

Por sonte nuk janë vetëm gola…

Janë zemrat e një populli që rrahin bashkë.

Janë emocionet e miliona shqiptarëve, kudo që janë.

Janë ëndrrat që për vite i kemi parë larg… e që sot duken më afër se kurrë.

Respekt për Turqinë — por sonte ne luajmë për diçka më shumë.

Për krenari.

Për histori.

Për një natë që mund të mbahet mend gjatë.

Sonte, Kosovën nuk e mbështet vetëm stadiumi — sonte me Kosovën është një popull i tërë”, ka shkruar z. Mazrekaj në rrjetin social facebook.