Neymar drejt mbetjes jashtë Botërorit

ESPN Brazil nuk ka dyshime. Lista e të grumbulluarve të Carlo Ancelotti për Botërorin 2026 është pothuajse gati, me 24 nga 26 vendet tashmë të përcaktuara.

Vetë trajneri ka pranuar se lista është “shumë e mirëpërcaktuar”.

Njoftimi zyrtar do të bëhet më 18 maj.

Sipas ESPN, mungesa e madhe do të ishte Neymar.

Pas lënies jashtë të tij qëndrojnë disa arsye; mbi të gjitha mungesa në ndeshjen e 11 marsit me Mirassol. Ancelotti kishte planifikuar ta ndiqte nga afër, por lojtari i Santosit u tërhoq për shkak të një mbingarkese muskulore.

Kjo ngriti dyshime, pasi përkoi me ditëlindjen e motrës së tij.

Një ditë kur, për një arsye apo tjetër, Neymar zakonisht nuk luan. 

Megjithatë, “Carletto” nuk e ka mbyllur përfundimisht derën. Neymar ka rreth një muaj për ta bindur, edhe pse mungesa e tij në listën përfundimtare nuk do të ishte surprizë.