Eksperti sllovak shpërthen për ndeshjen me Kosovën: Është një turp i madh, ja pse

Kosova rrëzoi Sllovakinë por me gjasë do të bëhet shkaktare edhe shkarkimit të selektorit të tyre, Francesco Calzona.

“Cilat janë perspektivat e ardhshme dhe çfarë do të jetë jashtëzakonisht e rëndësishme? Flet një analist i njohur i futbollit sllovak, Peter Durish.

A ishte ky dueli i fundit nën drejtimin e selektorit Francesco Calzona?

Si duhet të duket e ardhmja e futbollit sllovak?”, shkruan media sllovake “Sport”.

“Nëse nuk fillojmë të punojmë më mirë me të rinjtë, thjesht do t’i shtyjmë problemet dhe gjithçka do të largohet edhe më shumë nga ne,” thotë ish-futbollisti dhe tani eksperti televiziv Peter Durish.  

Më parë, skuadra sllovake luajti ndryshe kundër Kosovës, me tre mbrojtës. Si e vlerësoni tani në retrospektivë? A ishte vendimi i duhur?

“Nuk mendoj se problemi ishte formacioni.

Kundërshtari luante në atë mënyrë që ne donim t’i përgjigjeshim me të njëjtën formë.

Kundër Rumanisë, të dhjetë lojtarët e fushës që nisën ishin dinamikë.

Denis Vavro, për shembull, luajti shkëlqyeshëm, është për të ardhur keq që nuk ishte aq i mirë në situatat vendimtare mbrojtëse kundër Kosovës”, tha ia.

Kosova shënoi katër gola kundër Sllovakisë. Rumunët nuk shënuan asnjë, por patën disa raste të pastra. Si e vlerësoni organizimin e lojës pa kapitenin Milan Shkriniar?

“Pjesa e parë kundër Rumanisë ishte e shkëlqyer.

Taktikisht dhe individualisht gjithçka funksionoi mirë. E kishim ndeshjen plotësisht nën kontroll, kundërshtari pati vetëm një goditje në portë.

Ndihej qetësia dhe fakti që nuk ishte një ndeshje vendimtare.

Sapo bëmë zëvendësime dhe kundërshtari tentoi të ushtrojë presion, u shfaqën çarje në mbrojtje.

Dy ose tre situata ishin jashtëzakonisht të rrezikshme, por Marek Rodak e mbajti skuadrën.

Ai dukej shumë mirë në portë, ishte i sigurt me këmbë dhe zgjidhi gjithçka siç duhej.

Këtë herë nuk bëmë gabime fatale, kështu që kur e mendon, është një turp i madh që patëm një ditë shumë të keqe kundër Kosovës.

Atje vërtet dështuam në organizim dhe bëmë gabime të tmerrshme për këtë nivel.

Çfarëdo që goditi kundërshtari, u kthye në gol”, tha Durish.