Kërkon falje

Gabriele Gravina zyrtarisht është tërhequr nga posti i presidentit në Federatën Italiane të Futbollit.

Lajmi që pritej u konfirmuar nga vetë Gravina në takimin e sotëm, ndërsa presidenti i ri do të zgjidhet më 22 qershor.

Gravina tashmë do të bëhet gati për interpelancë, ndërsa ka kërkuar falje për ndasinë që shprehu mes sporteve.

Kjo lëvizje mund të sjellë revolucion në futbollin italian, pasi eliminimi nga Bosnjë Hercegovina ishte tronditës.

Njoftimi i Federatës:

Një takim midis Presidentit Gabriele Gravina dhe presidentëve të komponentëve të federatës u zhvillua sot në selinë e FIGC në Romë.

Në fillim të takimit, Gravina informoi përfaqësuesit kryesorë të Lega Calcio Serie A (Ezio Maria Simoneli), Lega B (Paolo Bedin), Lega Pro (Mateo Marani), Lega Nazionale Dilettanti (Xhankarlo Abete), Shoqatës Italiane të Futbollistëve (Umberto Kalkanjo) dhe Shoqatës Italiane të Trajnerëve të Futbollit (Renzo Ulivieri) se kishte dhënë dorëheqjen nga pozicioni që i ishte besuar në shkurt 2025 dhe kishte thirrur Asamblenë e Jashtëzakonshme Zgjedhore të FIGC për 22 qershor në Romë.

Data u zgjodh në përputhje të plotë me Statutin Federal dhe për të siguruar që qeveria e re të mund të përfundonte procesin e regjistrimit për kampionatet e ardhshme profesionale.

Gjatë takimit, Gravina gjithashtu falënderoi anëtarët për rinovimin e mbështetjes dhe simpatisë së tyre për të, si publikisht ashtu edhe privatisht.

Ai i informoi presidentët se ishte i gatshëm të merrte pjesë në një seancë dëgjimore më 8 prill (ora 11:00) para Komitetit të 7-të për Kulturë, Shkencë dhe Arsim të Dhomës së Deputetëve për të raportuar mbi gjendjen e futbollit italian.

Atje Presidenti Gravina do të paraqesë, në mënyrën më të plotë dhe gjithëpërfshirëse të mundshme, një raport mbi pikat e forta dhe të dobëta të lëvizjes, duke prekur gjithashtu disa nga çështjet e trajtuara tashmë në konferencën për shtyp të mbajtur pas ndeshjes së ekipit kombëtar në Zenicë të martën e kaluar, më 31 mars.

Në këtë drejtim, Gravina shprehu keqardhje për interpretimin e vërejtjeve të tij në lidhje me ndryshimin midis sporteve amatore dhe profesionale. Këto vërejtje nuk kishin për qëllim të ofendonin ndonjë disiplinë sportive, por më tepër një referencë për rregullat dhe rregulloret e ndryshme të brendshme (për shembull, prania në qeverisjen e disa Federatave të Ligave me autonomitë e tyre përkatëse) dhe ato të jashtme (me referencë të shprehur për natyrën korporative të klubeve profesionale të futbollit, të cilat duhet të jenë në përputhje me legjislacionin kombëtar dhe ndërkombëtar që është i ndryshëm nga klubet amatore).