Interi feston rikthimin e Lautaro Martinez

Një njeri për të larguar frikën e një ekipi dhe, në përgjithësi, të një kombi të tërë. Lautaro Martinez është më në fund gati të kthehet në fushë dhe të mbajë zikaltërit mbi supet e tij ndërsa ata përgatiten për garën për titull. Kapiteni mungon që nga 24 shkurti, nata fatale e Bodos.

Që atëherë, mungesa e argjentinasit është ndjerë thellë.

Pa udhëheqësin e tyre, si teknikisht ashtu edhe personalisht, Interi ka arritur vetëm dy fitore në shtatë ndeshje.

Një pengesë që, për lojtarët dhe tifozët, ka sjellë kujtime të sezonit të kaluar.

Rëndësia e rikthimit të Lautaros është gjithashtu e dukshme nga rëndësia që Interi i ka dhënë atij. Një video është shfaqur në profilet e rrjeteve sociale të zikaltërve, duke dokumentuar përpjekjet e rikuperimit të argjentinasit gjatë javëve të fundit. Titulli i videos thotë gjithçka:

“El Toro është rikthyer”. Sipër imazheve të Lautaros duke djersitur në fushë dhe në palestër, zëri i argjentinasit rrëfen udhëtimin e tij të rikuperimit: “Punova shumë, shumë, shumë. Çdo ditë e më shumë. Dhashë gjithçka. Duhet të besosh në atë që bën”.

Edhe pse për El Toro-n, “ekipi është gjëja më e rëndësishme, kjo është mënyra ime e të kuptuarit të futbollit”, Interi, me këtë video të pazakontë për të njoftuar rikthimin e tij nga dëmtimi, donte t’i dërgonte një mesazh të qartë botës zikaltër dhe më gjerë: me Lautaron, nuk kemi frikë nga askush.

Në fakt, janë të tjerët që duhet të kenë përsëri frikë. Është një mënyrë për të larguar frikën që kishte dalë në pah në këmbët e lojtarëve, por veçanërisht në mendjet e tyre, në javët e fundit. Tani, megjithatë, “El Toro është rikthyer” dhe Interi shpreson që kapiteni i tyre do të jetë ai që do t’i shtyjë drejt titullit.