Flick para Atletico Madridit: Atmosfera në stadium do ta bëjë gjithçka më sfiduese

Hansi Flick e di sa e vështirë është të përballesh me “Colchoneros”:

“Do të ndeshemi me një nga ekipet më të mira në Europë, i cili ka cilësi dhe lojtarë që mund ta vendosin ndeshjen vetë.

Janë të vështirë për t’u përballur, kanë një nga trajnerët më të mirë në botë dhe atmosfera në stadium do ta bëjë gjithçka më sfiduese”. 

Për Raphinha shtoi: “Këto gjëra ndodhin, nuk është dëmtimi i parë këtë vit, e lamë të kurohej në Brazil. Balde dhe Koundé janë gati, për Frenkie de Jong duhet të presim ende”.

Për Spanjë-Marok dhe Lamine Yamal: “Mesazhi i tij ishte i qartë: nuk ka vend për racizëm, as në futboll, as në jetë. Kurrë”. Për Rashford dhe Lewandowski: “Marcus po luan mirë, edhe Fermin me Gavi janë mirë. Robert është i zhgënjyer nga eleminimi i Polonisë, por tani është fokusuar te Barça”.

Edhe Simeone është gati: “Barça ka një stil të caktuar me Flick, ne kemi karakteristika të tjera dhe punojmë fort për t’u përballur me ta”.

Për fyerjet ndaj Yamal: “Respekti ka humbur vitet e fundit, duhet ta rikuperojmë me vetëdije, besim dhe vizion”.