Arbeloa shfaqet optimist: Mposhtim Bajernin dhe shkojmë në gjysmëfinale

Trajneri i Real Madridit, Alvaro Arbeloa do të luajë nesër në mbrëmje kundër Bajern Mynihut në Champions. Përpara kësaj “finale të parakohshme”, spanjolli ka dalë në konferencën e zakonshme për mediat.Çfarë mund të presim nga Real Madridi në Ligën e Kampioneve?

Një Madrid që gjithmonë është përballur me sfidën kundër rivalëve kryesorë. Bajern është skuadra më e qëndrueshme në Evropë. Historia jonë me Bajernin është gjithmonë e veçantë. Jam i sigurt se Bernabeu do të përjetojë një tjetër natë të shkëlqyer të Ligës së Kampioneve njësoj si kundër Sitit.

Përshtatja e Mbapes…

Mbape ka karakteristika të ndryshme nga Brahim, dhe ne duhet të luajmë ndryshe. Jam i kënaqur që kam problemin e të pasurit lojtarë kaq të shkëlqyer në dispozicionin tim. Mbape erdhi në Madrid për ndeshje si ajo e nesërmja dhe raundet eliminatore si kjo. Jam i sigurt se do ta shohim Kilië në formën e tij më të mirë, duke e udhëhequr ekipin ashtu siç vetëm ai di.

Po Bellingam…

Me Bellingam në fushë, ajo që ndryshon është se jemi një ekip më i mirë, jam i bindur për këtë. Jam i sigurt se do ta shohim në fushë. Ai i sjell shumë ekipit. Ai ka cilësi lidershipi dhe atribute të ndryshme nga disa nga shokët e tij të ekipit. Kur është në fushë, të gjithë do të duhet të përshtatemi me njëri-tjetrin, kjo është ajo për të cilën bëhet fjalë, të kesh ato lidhje midis lojtarëve të ndryshëm dhe të vësh talentin tënd në shërbim të ekipit. Por është një problem i mirëpritur të duhet ta përshtatësh Bellingamin në ekip.

Një vit e gjysmë pa tituj. A është kjo ndeshje një provë?

Nuk po mendojmë për mosfitimin e ndeshjes. E kuptoj që gazetarët duhet të analizojnë të gjitha skenarët, por për ne ka vetëm një, të mposhtim Bajernin dhe të avancojmë.