Rruga e gjatë e Jamal Musialës drejt rikthimit

Nëntë muaj pas lën dimit të tij të rëndë, Jamal Musiala po vazhdon betejën për të rikthyer vendin e tij në formacionin titullar te Bajerni. Futbollisti ndërkombëtar gjerman mund të bëhet një lojtar kyç për kampionët në formë pikërisht në kohën e fazës përfundimtare të sezonit

. Megjithatë, rruga drejt këtij momenti ka qenë edhe më i vështirë se sa ishte parashikuar fillimisht, siç ka theksuar tani drejtori sportiv Maks Eberl.

Pas thyerjes së fibulës në Kupën e Botës për Klube në korrik, Musiala arriti të rikthehej në seancat stërvitore të Bajernit vetëm në fund të vitit të kaluar. Megjithatë, askush nuk priste që do të duhej kaq shumë kohë që ylli i Bajernit të marrë pjesë plotësisht përsëri. Kur Musiala arriti më në fund të luante për pothuajse një gjysmë ore kundër Frajburgut gjatë fundjavës, gëzimi ishte i madh.

Fitorja spektakolare ngriti edhe më shumë moralin e Bajernit. Sulmuesi kishte tentuar rikthimin javë më parë, por kthimi erdhi tepër shpejt. Musiala u pengua vazhdimisht nga probleme të vogla, së fundmi pas ndeshjes kundër Atalantës. “Ai pati probleme të mëtejshme pas ndeshjes në Bergamo, ku shfaqeshin aderime në kyçin e këmbës,” zbuloi drejtori sportiv Maks Eberl para nisjes së ekipit për Madrid për ndeshjen e Ligës së Kampionëve kundër Real Madrid, duke dhënë një pasqyrë mbi arsyet e mungesës së Musiala. “Nuk është gjithçka perfekte dhe e pastër, ka edhe operacione dhe ai ende i ndjen efektet,” shpjegoi Eberl.

Pengesat e përsëritura e përkeqësuan edhe më shumë lëndimin për Musialën. “Ka shumë përfshirje fizike, por edhe faktorë mendorë dhe emocionalë,” theksoi Eberl.

“Nuk është një lëndim që mund të rehabilitohet rastësisht,” shpjegoi 52 vjeçari. Drejtori sportiv Kristof Frojnd gjithashtu theksoi kohët e fundit: “Nuk është e lehtë për Jamalin tani sepse ai vazhdon të përjetoj pengesa të vogla.” Por tani Musiala duket se është përsëri pa dhimbje. Në fitoren kundër Frajburg, i riu dha gjithçka për ekipin e tij.

“Është çështje kohe që ai të ndihet gati tani. Ai na dha atë përshtypje të shtunën, kështu që jemi të lumtur që ai është me ne në Bernabéu,” shpjegoi Eberl. Edhe pse Musiala nuk do të jetë ende kandidat për një vend titullari, ai do të jetë aty kur sezoni të hyj në fazën e tij vendimtare.