Andy Robertson do të largohet nga Liverpooli në fund të sezonit
- Bota Sot
Andy Robertson pritet të largohet nga Liverpool FC në fund të sezonit, duke mbyllur një kapitull të rëndësishëm në karrierën e tij në “Anfield”.
Mbrojtësi skocez do të largohet si lojtar i lirë, pasi kontrata e tij me klubin anglez skadon në verë dhe palët nuk kanë arritur një marrëveshje për rinovim.
Ky zhvillim vjen si një surprizë për tifozët, duke pasur parasysh rolin e rëndësishëm që Robertson ka pasur ndër vite te Liverpooli.
Që nga transferimi i tij në vitin 2017, Robertson është shndërruar në një nga mbrojtësit e majtë më të mirë në botë, duke qenë pjesë kyçe e sukseseve të klubit, përfshirë fitimin e titullit në Premier League dhe triumfin në UEFA Champions League.
Largimi i tij si lojtar i lirë i jep mundësinë Robertson të zgjedhë destinacionin e radhës pa kosto transferimi, ndërsa pritet që disa klube të mëdha evropiane të shfaqin interes për shërbimet e tij.
