Ka lënë pas zhgënjimin në UEFA Champions League

Pasi ka lënë pas zhgënjimin në UEFA Champions League, trajneri i Interit, Cristian Chivu, ka vendosur objektiva të qarta për fundin e sezonit: fitimin e kampionatit dhe të Kupës së Italisë.

“Është detyrë e jona të besojmë se mund të fitojmë gjithçka që ka mbetur,” u shpreh tekniku rumun, duke theksuar ambicien e lartë që kërkon stoli i Interit.

Gjatë sezonit nuk kanë munguar debatet, por Chivu ka zgjedhur të ruajë profil të ulët. Ai theksoi se nuk ka ndërmend të ndryshojë qasjen e tij:

“Parimet e mia janë më të rëndësishme se çdo narrativë. Nuk kam nevojë të bëj deklarata të forta apo të krijoj konflikte,” u shpreh ai, duke nënvizuar qetësinë dhe fokusin në punë.

Një pjesë e deklaratës së trajnerit iu kushtua Alessandro Bastoni, i cili ka qenë në qendër të kritikave pas episodit në ndeshjen ndaj Juventusit.

Chivu reagoi ashpër ndaj sulmeve ndaj mbrojtësit italian: “Bastoni nuk ka nevojë për rikuperim psikologjik. Ata që e kanë sulmuar janë ata që kanë nevojë për ndihmë,” deklaroi ai, duke mbrojtur hapur lojtarin e tij.