Allegri: Pas Napolit përjetuam dy ditë të vështira

“Në aspektin psikologjik, pas Napolit përjetuam dy ditë të vështira.

Ndoshta kemi qenë shumë të mirë më parë për të qenë kaq pranë Interit.

Nuk duhet të na marrë vala e emocioneve, një ndeshje nuk mund të destabilizojë një sezon të tërë”.

Në prag të sfidës me Udinese (të shtunën, në orën 18:00), Max Allegri kërkon qetësi. Pa ankthe dhe me unitet maksimal, Milani duhet patjetër të arrijë në Champions:

“Bilanci bëhet vetëm në fund, me kthjelltësi. Nëse na pushton emocioni, mund të ndodhë katastrofa. Udinese është ekip fizik, duhet të jemi të organizuar dhe të përqendruar”.

Ai foli edhe për sulmin: “Pulisic dhe Leao kanë pasur vështirësi për shkak të dëmtimeve, por kanë shënuar gola të rëndësishëm dhe do ta bëjnë sërish. Ambienti duhet të mbetet i bashkuar.

Deri në fund duhet ekuilibër, hap pas hapi drejt objektivit. Në tri ndeshjet e fundit kemi humbur dy transferta dhe kemi vuajtur në shënim. Diferencën e bën gjithmonë rezultati”.

Për të ardhmen: “Para trajnerit të kombëtares duhet zgjedhur presidenti i FIGC…”