Përballjet delikate të së dielës

Java e 31-të e Kategorisë së Parë do të kthehet të dielën e ardhshme, me përballje të cilat janë shumë interesante për faktin se mund të përcaktojnë luftën për ngjitjen në elitë.

Sfidat do të luhen të gjitha të dielën, më datë 19 prill, në orën 15:00 dhe vëmendja e të gjithëve do të jetë te dy duele në veçanti.

Përballja mes Laçit të vendit të dytë dhe Pogradecit të vendit të tretë, si dhe sfida Skënderbeu-Kastrioti, mund të jenë vendimtare për ngjitjen pasi fitorja e skuadrave vendase, mund t’u sigurojë atyre direkt ngjitjen në elitë.

Ndërkaq ndeshjet e tjera interesojnë më shumë luftën për mbijetesë dhe llogaritë që bëhen në fundin e tabelës për të shmangur rënien direkte, me 4 ekipet e fundit të cilat luajnë të gjitha si pritëse.

JAVA 31

19.04.2026 ora 15:00
Skënderbeu – Kastrioti
Laçi – Pogradeci
Apolonia – Besa
Lushnja – Iliria
Luftëtari – Burreli
Kukësi – Korabi