Muriqi vetëm dy gola larg Mbappes

Ylli i Kombëtares së Kosovës, Vedat Muriqi arriti të hyjë në historinë e skuadrës spanjolle, Mallorca, duke u bërë golashënuesi më i mirë I klubit.

Rekordi I mbajtur ishte i Samuel Eto’o, me 54 gola, ndërsa “Pirati” arriti sot të shënojë edhe dy gola duke u bërë me 55 gola.

Mirëpo Muriqi mund të thyej edhe rekorde të tjera, pasiqë është vetëm dy gola larg të behët golashënuesi më i mirë në LaLiga.

Listës i prinë Kylian Mbappe i cili ka 23 gola në këtë sezon, ndërsa pas tij është Muriqi me 21.