Barcelona ka dorëzuar një ankesë të dytë në UEFA
- Bota Sot
Barcelona ka dorëzuar një ankesë të dytë në UEFA për gjykimin gjatë çerekfinales së Ligës së Kampionëve ndaj Atletico Madridit.
Klubi katalanas ishte i zemëruar pas eliminimit në “Metropolitano”, ndërsa sulmuesi Raphinha e quajti ndeshjen “vjedhje”.
Barcelona u eliminua pas humbjes 3-2 në total, në një përballje ku në të dy ndeshjet pati kartonë të kuq.
Klubi pretendon se duhet të kishte fituar penallti në të dy takimet, por këto pretendime janë kundërshtuar nga Atletico.
Sipas Barcelonës, disa vendime të gjyqtarëve nuk kanë qenë në përputhje me rregullat dhe as VAR-i nuk ka ndërhyrë siç duhet.
Ata thonë se këto gabime kanë ndikuar drejtpërdrejt në rezultatin final dhe kanë shkaktuar dëm sportiv dhe financiar.
Javën e kaluar Barcelona ishte ankuar edhe për një rast me dorë të mbrojtësit Marc Pubill, por UEFA e kishte refuzuar atë ankesë si “të papranueshme”. Klubi tani kërkon gjithashtu bashkëpunim me UEFA-n për përmirësimin e sistemit të gjykimit.
