Lewandowski dhe e ardhmja

I intervistuar nga “TV3”, ish-bomberi i Bayern Munich dhe sot te Barcelona, Robert Lewandowski, i lindur në vitin 1988, foli për të ardhmen e tij në dritën e lidhjeve me Juventusin e Milanin.

Kontrata e tij me katalanasit përfundon në fund të sezonit dhe tashmë spekulimet për të ardhmen janë të vazhdueshme. Juventusi dhe Milani kanë nevojë për gola vendimtarë dhe po mendojnë për të.

“Kemi ende pak kohë. Klubi e di çfarë mendoj dhe unë kam pasur kohë për të menduar.

Nuk dua të flas për oferta dhe për të ardhmen time. Janë më të rëndësishme ndeshjet që kanë mbetur dhe golat. Që në media del çdo ditë diçka e re nuk është e rëndësishme”, – pohoi polaku.

Karriera te blaugranat – Robert Lewandowski e nisi aventurën te Barcelona në verën 2022, duke ardhur nga Bayern Munich për rreth 45 milionë euro si pikë referimi në rindërtimin, pas Messit. Që në debutim tregoi instinktin e bomberit; dopietë ndaj Real Sociedad, më pas një tregolësh historik në Champions kundër Viktoria Plzeň (duke u bërë i vetmi lojtar që e realizon me tre klube të ndryshme).

Në sezonin e parë fitoi “Pichichi” me 23 gola në La Liga, duke kontribuar në titullin 2022-23 dhe Superkupën e Spanjës ndaj Real Madridit. Në vitet pasuese shtoi një “Copa del Rey”, dy tituj të tjerë në Spanjë dhe tri Superkupa, me kulme të jashtëzakonshme nën drejtimin e Hansi Flick (deri në 42 gola në një sezon).