Lineker godet Ronaldon

Përplasja mes atyre që zgjedhin Lionel Messin dhe atyre që preferojnë Cristiano Ronaldon nuk është e re. Ajo përshkon vite me “Topa të Artë”, rekorde dhe krahasime të pafundme.

Të dy janë ende aktivë, njëri tek Inter Miami dhe tjetri tek Al-Nassr FC, duke ndjekur ende gola dhe trofe.

Dy rrugë të ndryshme për të dominuar të njëjtën epokë.

Në këtë debat të përjetshëm ka zëra që nuk kanë pasur kurrë dyshime. Gary Lineker është një prej tyre. Anglezi, sot komentator, ka zgjedhur gjithmonë argjentinasin kur i është bërë pyetja klasike: kush është më i miri.

Tani, sipas tij, kjo zgjedhje ka pasur pasoja. Lineker, 65 vjeç, tregoi në podcastin “The Rest is Football” se sulmuesi portugez e ka hequr nga rrjetet sociale:

“Cristiano Ronaldo nuk më pëlqen shumë. Nuk e kam zemëruar me asgjë që kam thënë për të, thjesht jam i sinqertë dhe besoj se Messi është, në përgjithësi, futbollist më i mirë. Më hoqi nga Instagrami, por do ta kaloj”.

Ish-sulmuesi anglez nuk deshi ta zgjaste më tej: “Ronaldo gjithmonë do të më pëlqejë. E kam parë shumë herë. E di që është pak i mërzitur me mua, por nuk ka problem”.

 Kjo situatë tregon se rivaliteti Messi–Ronaldo vazhdon të jetojë, edhe larg skenës europiane, madje edhe në gjëra të përditshme si një “follow” në rrjete sociale.