Partizani dhe Bylisi e mbyllin me rezultatin më të pazakontë

Partizani dhe Bylisi kanë ndarë pikët në barazimin 1-1 në kryeqytet, duke mos arritur të ndryshojnë pozicionet e tyre ne renditjen e kampionatit.

Ballshiotët shënuan shpejt, por u arritën nga një penallti e të kuqve me Isgandarli, autor i disa rasteve të pabesueshme të humbura radhazi në fraksionin e parë të lojës.

Në të dytën, të kuqtë dukeshin në kontroll. Por një karton i kuq i Ismailit ndryshoi planet e kryeqytetasve dhe i dha mundësinë Bylisit të administronte lojën deri në fund, ku pavarësisht tentativave, asnjë nga ekipet nuk tundi rrjetën.

Kështu sfida u mbyll me barazim, atë që ishte rezultati më i pazakontë i skuadrave të cilat që prej 14 ndeshjesh radhazi shikonin vetëm fitues.