Rico flet sërish për incidentin me Rudiger në ‘Bernabeu

Diego Rico ka rikthyer në vëmendje përplasjen e fortë me Antonio Rudiger gjatë ndeshjes mes Getafe dhe Real Madrid, duke kritikuar ashpër mbrojtësin gjerman për episodin e ndodhur më herët këtë vit.

Në një intervistë për “La Otra Grada Podcast”, Rico ka deklaruar se nuk mund ta pranojë veprimin e Rudiger gjatë momentit kur ai u rrëzua në fushë dhe u godit në fytyrë nga gjuri i kundërshtarit.

“Duhet t’i kërkoj ende falje atij që më lejoi të jetoj? Rudiger është një lojtar shumë agresiv, por në atë moment e kaloi kufirin. Nuk mund ta fal këtë,” ka thënë Rico, duke rritur tensionet mes dy palëve.

Nga ana tjetër, Rudiger ka mbrojtur qëndrimin e tij, duke e cilësuar incidentin si pjesë të një duele fizike në lojë dhe jo si veprim të qëllimshëm.

Në një reagim të mëhershëm, mbrojtësi gjerman kishte deklaruar se pamjet e ngadalësuara e bëjnë situatën të duket më dramatike sesa ishte në realitet, duke theksuar se nuk kishte qëllim të dëmtonte kundërshtarin.

“Pamjet në slow-motion duken të këqija. Nuk kam ndërmend të debatoj, por nuk e kam goditur me qëllim. Kur luaj, jam i fortë në duele, por jo për të lënduar dikë,” ishte shprehur Rudiger.

Episodi vazhdon të mbetet temë debati në futbollin spanjoll, me mendime të ndara mbi intensitetin e ndërhyrjes dhe interpretimin e saj nga të dyja palët.