Hapi tjetër drejt titullit, Barcelona pret në “Camp Nou” Celta Vigon

Barcelona synon të shënojë tetë fitore radhazi në La Liga në përballjen e sotme kundër Celta Vigos, e cila zhvillohet sot më 22 prill, që do ta dërgonte shumë pranë titullit spanjoll për dy herë rresht.

Sigurimi i tre pikëve të mëdha është pikërisht ajo që i duhet Barcelonës pas eliminimit nga Liga e Kampionëve në çerekfinale kundër Atletico Madridit herën e fundit, derisa skuadra e Claudio Giraldezit aktualisht zotëron vendin e gjashtë në renditjen e La Ligës dhe më fitoren e sotme mund ta uzurpojnë Real Betisin e vendit të pestë, gjë që i jep kalimin në Europa League të sezonit të ardhshëm.

Katalanasit kanë një epërsi të madhe ndaj Real Madridit në krye, por humbja e pikëve kundër Celtës do t’i hapte derën Los Blancos, derisa ekipi i Flick mbetet perfekt në La Liga, duke fituar të 16 ndeshjet e ligës në shtëpi këtë sezon dhe duke shënuar më shumë se kundërshtarët.

Ndërkohë, Celta Vigo po bie në kohën më të keqe të mundshme, duke humbur tre ndeshjet e fundit, përfshirë një eliminim nga Liga e Konferencës dhe një humbje kundër Real Oviedo, që renditet në fund të La Liga-s. Ata nuk kanë fituar në katër ndeshjet e fundit të ligës.

Formacionet e mundshme:

Barcelona (4-2-3-1): J. Garcia; Kounde, Cubarsi, E. Garcia, Cancelo; De Jong, Pedri; Yamal, Olmo, Rashford; Torres.

Celta Vigo (3-4-3): Radu; Rodriguez, Aidoo, Alonso; Mingueza, Moriba, Vecino, Carreira; Jutgla, Iglesias, Swedberg.