Tifozët madrilenë nuk e harrojnë eliminimin nga Championsi

Vetëm disa ditë pas eliminimit nga Liga e Kampioneve kundër Bajern Mynihut, Real Madridi u përball me zemërimin e tifozëve të tij.

Në “Santiago Bernabeu”, pavarësisht fitores 2-1 ndaj Alaveshit, shpërtheu një protestë e plotë.

Tifozët shënjestruan disa figura kyçe në sezonin zhgënjyes të klubit, ku ndër më të shënjestruarit ishte Kilië Mbape, i cili u fishkëllye para ndeshjes dhe gjatë saj.

Francezi u përgjigj me një gol, i 41-ti i tij i sezonit,  por pa festuar, duke u kufizuar në disa buzëqeshje ndaj shokëve të ekipit dhe madje pa bërë gjeste drejt tribunave. Një shenjë e qartë tensioni.

Gjërat nuk shkuan më mirë për Vinicius Zhunior, i cili u fishkëllye gjatë gjithë ndeshjes pavarësisht se shënoi golin e dytë, të cilin e festoi duke kërkuar falje nga tifozët. Edhe Eduardo Kamavinga u kritikua ashpër, hyrja e tij në pjesën e dytë u prit me një përjashtim të fortë, pjesërisht për shkak të kartonit të kuq kundër Bajernit.