“Mali i Zi bëri hapin e madh drejt integrimit në BE”, Marta Kos: Vendimi, pas progresit të qartë të vendit dhe përshpejtimit të reformave

Komisionerja për zgjerimin në BE, Marta Kos, ka reaguar pas vendimit për hartimin e Traktatit të Anëtarësimit të Malit të Zi në Bashkimin Evropian, duke e cilësuar këtë  si hap i madh që ky vend ka bërë drejt integrimit në BE.

Në një postim në rrjetin social X, komisionerja Marta Kos, shkruan se vendi i Malit të Zi brenda BE-së tani po merr formë.

“Sot, Shtetet Anëtare vendosën të fillojnë hartimin e Traktatit të Anëtarësimit të Malit të Zi në BE. Ky është një hap i madh në rrugën drejt anëtarësimit në BE, një njohje e qartë e progresit të Malit të Zi dhe një inkurajim për të përshpejtuar reformat”, shkruan Marta Kos.

Postimi

Vendi i Malit të Zi brenda BE-së tani po merr formë. Sot, Shtetet Anëtare vendosën të fillojnë hartimin e Traktatit të Anëtarësimit të Malit të Zi në BE. Ky është një hap i madh në rrugën drejt anëtarësimit në BE, një njohje e qartë e progresit të Malit të Zi dhe një inkurajim për të përshpejtuar reformat.