Mbyllet sezoni për Gnabryn, mungon edhe në Kupën e Botës

Sulmuesi i Bayern Munich, Serge Gnabry, ka reaguar publikisht duke konfirmuar se nuk do të jetë pjesë e ëndrrës për Botërorin me Kombëtaren e Gjermanisë.

“Në ditët e fundit ka qenë e vështirë për ta përpunuar gjithçka.

Një sezon me Bayernin që ende ka shumë për të dhënë, pasi siguruam një tjetër titull në Bundesliga gjatë fundjavës,” u shpreh Gnabry.

Sa i përket përfaqësueses gjermane, lojtari shtoi: “Sa i përket ëndrrës për Botërorin me ekipin kombëtar, kjo fatkeqësisht ka përfunduar për mua. Si gjithë vendi, do t’i mbështes djemtë nga shtëpia.”

Gnabry theksoi se tani fokusi i tij është rikuperimi dhe kthimi në formë për fazën përgatitore para sezonit të ri, duke falënderuar gjithashtu tifozët për mbështetjen dhe mesazhet e shumta.