Manchester United afër mesfushorit të Brightonit

Manchester United po shqyrton seriozisht transferimin e mesfushorit kamerunas Carlos Baleba, i cili ka shprehur dëshirën për t’u transferuar në “Old Trafford”.

Sipas raportimeve, marrëveshja për kushtet personale mes lojtarit dhe Manchester United është arritur që vitin e kaluar, duke e bërë këtë transferim më të lehtë në aspektin e negociatave me lojtarin.

Megjithatë, vendimi final i takon klubit anglez, i cili ende po vlerëson nëse do të vazhdojë konkretisht për Baleban apo do të fokusohet në objektiva të tjerë për repartin e mesfushës gjatë kësaj vere.

Baleba kishte kërkuar kalimin te United që në korrik 2025, por Brighton & Hove Albion kishte refuzuar çdo mundësi largimi në atë kohë. Tani situata duket më e hapur dhe shanset për një transferim janë rritur ndjeshëm.

Ndërkohë, Manchester United pritet të nënshkruajë të paktën dy mesfushorë në këtë merkato, çka e vendos Baleban si një nga emrat kryesorë në listën e dëshirave.