Osimhen vlen 100 milionë euro

Mitat Halis, një agjent i njohur i FIFA-s dhe partner i agjencisë së përfaqësimit me të cilën Osimhen ishte i lidhur gjatë kohës së tij në Volfsburg, tha se lëvizja e yllit nigerian te Real Madridi është shumë “realiste”.

Barcelona është gjithashtu një opsion për nigerianin, me synimin që ai të mund të zëvendësojë Levandovskin.

“Nënshkrimi i Osimhen është shumë realist. Madje do të kalonte 100 milionë euro. Nënshkrimi i tij mund të jetë midis Real Madridit dhe Barcelonës. Njëri ka hequr dorë nga Levandovski.

Tjetri nuk ka qendërsulmues.

Real Madridi nuk ka pasur qendërsulmues që nga epoka Karim Benzema. Ata janë të detyruar të rreshtojnë Mbape ose Vinicius si sulmues.

Nëse nënshkruajnë me Osimhen, Mbape dhe Vinicius do të luajnë në pozicionet e tyre natyrale, si anësorë dhe do të jenë më efektivë.

Viktor Osimen do të ishte një lojtar shumë funksional për Real Madridin”, tha Mitat Halis.