Ikën Leao, vijnë Sorloth dhe Zirkzee!

Portugezi është afër Mançester Junajtid, që propozon Ugarte ose Rashford në shkëmbim, por klubi kuqezi preferon paratë.

Shitja e Rafael Leao do ta lejojë Milanit të ndërtojë një sulm super. Gati për të përballuar rikthimin në Champions, gjithmonë nëse në këtë fund sezoni nuk ka surpriza të hidhura për trajnerin Allegri.

Manchester United e ka pasur gjithmonë objektiv Leaon. Me vendin e 3-të në renditje, “Red Devils” po programojnë skuadrën e ardhshme dhe një agjent i FIFA-s ka studiuar terrenin me prokuratorin e portugezit. Milani nuk e ka më në plane Leaon dhe pret oferta.

United pëlqen edhe Morgan Rogers, anësorin e Aston Villa, që kushton dyfishin e 50 milionë eurove, që Milani kërkon për numrin 10.

Pritet që palët të ulen në tavolinë për të gjetur akordin, që do ta çonte portugezin në Premier. Anglezët mund të propozojnë lojtarë si shkëmbim në bisedime, por Milani kërkon vetëm paratë në këtë rast.

Joshua Zirkzee, të cilin kuqezinjtë e kanë kërkuar më parë, do të ishte “tenori” i tretë i repartit ofensiv me Pulisic dhe Sorloth, me këtë të fundit si opsionin e parë si qendërsulmues. Zirzkee nuk është një bomber, por ka karakteristika ndryshe nga Pulisic dhe Sorloth.

Nga lojtarët e United, Milani mund të zgjedhë, nëse do, mesfushorin Manuel Ugarte ose sulmuesin Marcus Rashford, të cilët pritet të largohen nga Manchester. Të dy kanë më pak shanse në raport me sulmuesin holandez. Jorge Mendes ia ka propozuar Ugarten edhe Juventusit.

Leao u bashkua me Milanin në verën e 2019-ës dhe ka një kontratë deri në 2028-ën. Prej saj përfiton 5.5 milionë euro neto, plus bonuset. United nuk e ka të vështirë t’ia ofrojë këto shifra. Furlani dhe Tare tani do të kënaqeshin me 50-60 milionë euro për portugezin.

Klubi kuqezi kërkon paratë për t’u hedhur më pas në sulm për norvegjezin Sorloth, i cili dëshiron të largohet nga Atletico Madrid.