Parashikimi i motit për të shtunën, 16.05

Të shtunën parashikohet në orët e mëngjesit të kemi një sistem parafrontal, i cili pritet të sjellë shtim të vranësirave dhe reshje lokale shiu, në momente të caktuara në formë të rrebeshe, të shoqëruara me ndonjë shkarkesë elektrike. Nuk do të mungojnë as intervalet e shkurta me diell.

Rreth mesditës dhe gjatë orëve vijuese të pasditës, do të arrijë fronti i ftohtë, i cili do të karakterizohet me rrebeshe shiu, erëra të forta dhe shkarkesa rrufesh. Nuk përjashtohet mundësia për breshër. Në mbrëmje vranësira të pjesshme, ndërsa lokalisht do të vazhdojnë reshjet e izoluara.

Era do të fryjë nga jugperëndim dhe herë pas here pritet të jetë mjaft e fuqishme, me shpejtësi prej 17-65 km/h.

Temperaturat minimale do të lëvizin nga 8 deri në 10°C, ndërsa maksimalet nga 15 deri në 21°C. /Mk