Prizren: Nxënësja gjen kuletën me para dhe dokumente, e dorëzon në polici

Sipas njoftimit të Policisë së Kosovës, rasti ka ndodhur më 25 gusht 2026, rreth orës 20:45, kur kuleta e humbur është dorëzuar në Stacionin Policor të Trafikut në Prizren.

Kuletën e kishte gjetur nxënësja e Shkollës së Ekonomisë, O.T., e lindur në vitin 2011. Ajo, së bashku me prindin e saj, e ka sjellë menjëherë në stacionin policor, ku e ka dorëzuar kuletën që përmbante para dhe dokumente personale.

Policia, përmes dokumenteve identifikuese që ndodheshin në kuletë, ka arritur ta kontaktojë pronarin.

Pronari më pas është paraqitur në stacionin policor, ku ka marrë kuletën e tij dhe ka shprehur falënderimin për aktin e ndershëm të nxënëses, si dhe për angazhimin e Policisë.