Edi Rama nga Nju-Jorku: Joe Bideni e ka tradhtuar Hashim Thaçin
- Gazeta e Prizrenit
Kryeministri i Shqipërisë, Edi Rama, ka thënë se ish-presidenti amerikan Joe Biden e ka tradhtuar ish-presidentin e Kosovës, Hashim Thaçi, i cili është dënuar me 25 vjet burgim nga Dhomat e Specializuara në Hagë.
Në një fjalim në Nju-Jorku, Rama ka deklaruar se Shtetet e Bashkuara të Amerikës duhej të bënin më shumë për Thaçin dhe krerët e tjerë të UÇK-së.
“Meqë ra fjala për Sal Rusin dhe familjen e tij, më bën të vuaj mungesën e dikujt që ka qenë gjithmonë i ftuar në strehën e tij, ai është në strehën e tij. Ai është Hashim Thaçi, ai nuk është me ne këtu, sepse ky vend e tradhtoi. Sepse Joe Biden që e emërtoi Xhorxh Uashingtonin e Kosovës, e tradhtoi. Edhe pse gjenerali Klark dhe disa njerëz bënë më të mirën, ky vend nuk bëri më të mirën për Hashim Thaçin. Kur them tradhtuar, është sepse ne si vend i vogël ndihemi miq me ShBA-të, më të mëdhenjtë e më të fortët. Mund të ishte bërë më shumë, duke mos lejuar që kjo farsë të niste. Gjeneral, ju jam mirënjohës për gjithçka keni bërë në kapacitetin tuaj personal”, ka thënë Rama.
Lexo edhe:
