Avokati kosovar zbulon një rast- Si u vodh mall në vlerë prej 5.000 euro gjatë kohës sa familja ishte në aheng?
- Gazeta e Prizrenit
Avokati Ardian Bajraktari, ka treguar për një ngjarje se si gjatë kohës sa ishte prezent në një dasmë, hajnat dëmtuan një familje duke vjedhur mall në vlerë prej pesë mijë euro.
Bajraktari, me anë të një postimi në ‘Facebook’ ka thënë se vjedhjet e rënda janë në përmasa shqetësuese kohëve të fundit.
“Vjedhja, si vepër penale, në kuadër të veprave penale të pasurisë, e me theks të veçantë vepra penale e vjedhjes së rëndë, kohëve të fundit janë me përmasa shqetësuese. Me theks të veçantë cak i këtyre vjedhjeve po janë familjet ku ka ahengje familjare, dasma”, shkruan avokati.
“Një ngjarje e tillë na ndodhi mbrëmë, derisa ishim në dasëm, hajnat shkaktuan dëm me vlerë që tejkalon shumën prej 5.000 euro. Organet po merren me trajtimin e rastit, për çka presim zbardhjen e tij”.
“Familjet që kanë ahengje duhet të kenë kujdes që dëmi të jetë sa më i vogël dhe të mendojnë që hajnave lokalë t’ua pamundësojnë “punën””, përfundon Bajraktari.
