Profesori serb: Vuçiq tha gënjeshtra në 60 sekonda, në fjalimin e fundit ku i prezantoi masat për Kosovën

Profesori universitar serb Ratko Ristic tha se presidenti serb Aleksandar Vuçiq ka thënë disa gënjeshtra në më pak se 60 sekonda dhe i ka thënë që të respektojë pak më shumë komunitetin shkencor të Serbisë, të mos e përdorë atë në mënyrë utilitare dhe në përputhje me nevojat e tij politike.

“Dëshiroj t’i drejtohem publikut lidhur me sulmin e fundit të presidentit të Serbisë, Aleksandar Vuçiq, ndaj meje dhe bashkëpunëtorëve të mi, ku ai tha disa të pavërteta dhe gënjeshtra në më pak se 60 sekonda. E para ka të bëjë me faktin se kam grabitur buxhetin e shtetit, që është absolutisht e pavërtetë dhe do të doja më shumë që policia të bënte pjesën e saj. Nëse është e vërtetë ajo që thotë ish-kryetari i partisë së prapambetur antiserbe, Aleksandar Vuçiq, atëherë unë duhet të jem në burg, jo i lirë”, tha Ristiq, duke iu referuar fjalimit të fundit të presidentit serb Aleksandar Vuçiq, gjatë të cilit ai prezantoi masat për Kosovën.

Reagimi vjen pasi Vuçiq tha se gjoja Ristiq ka grabitur shtetin duke i dhënë leje për MHE, që nuk është hera e parë që e akuzon për një gjë të tillë.

“Unë do t’i thoja Aleksandër Vuçiqit që ta respektojë pak më shumë komunitetin shkencor të Serbisë, të mos e përdorë atë në mënyrë utilitare dhe në përputhje me nevojat e tij politike”, tha Ristiq.