I dyshuari dërgohet në mbajtje: Policia jep detaje për vrasjen në Prishtinë

Policia e Kosovës ka dhënë detaje për vrasjen e mbrëmshme në Prishtinë, ku vëllai e goditi disa herë me thikë vëllanë e tij.

Policia ka bërë të ditur se i dyshuari është dërguar në mbajtje.

Njoftimi:

VRASJE E RËNDË

Rr. Tirana-Prishtinë, 27.10.2024-20:25. Është arrestuar i dyshuari mashkull kosovar pasi që me mjet të mprehtë-thikë kishte goditur disa herë viktimën mashkull kosovar. Në vendin e ngjarjes, njësia e Urgjencës ka bërë konstatimin e vdekjes së viktimës si dhe të dyshuarit i është dhënë tretman mjekësor pasi kishte lëndime trupore. Në vendin e ngjarjes kanë dal edhe prokurori kujdestar dhe njësia e IML-së. Pas intervistimit, me vendim të prokurorit kujdestar i dyshuari është dërguar në qendrën e mbajtjes për 48 orë.