A ishte fushatë e përzier me humor premtimi i Kurtit për stadiumin në Prizren

Të enjten (dje) kryeministri Albin Kurti, vizitoi në Qendrën Spitalore Rajonale në Prizren dhe “Hidroregjionin Jugor”. Rrugës apo më mirë thënë në një kafene, bashkë me ministrin Hajrullah Çeku, rishpalosën projektin e stadiumit të qytetit në Prizren.

Në këtë takim-sfilatë pos kryeministrit Kurti e ministrit Çeku dhe zëvendëses së tij Osmani, të tjerët ishin edhe disa ish anëtarë të klubit, një trajner futbolli, por jo dhe kryetari klubit Liria e as nga Komuna e Prizrenit!

Këtu s’kishte as përfaqësues të FFK-së apo LRF-së.

Skender Shengyli një figurë e njohur , pjesë e plejadës së gjeneratës së artë, fatkeqësisht s’është në asnjë post në klubin Liria, pos që është i afërm (familjar i ministrit Çeku), si të tjerët, nuk përfaqëson dikë.

Edhe më keq, stadiumi nuk është pronë e asnjë klubi e as edhe KF Liria, që detyrimisht nëse dikush nga FFK e LRF nuk ishin ftuar ( e që do të duhej të ftoheshin nëse ishte takim zyrtar ), me patjetër do të duhej të ftohej titullari-pronari i stadiumit që është Komuna e Prizrenit, zyrtarët e saj.

Pra, nuk u ftua as pronari legjitim-Komuna?!

Thënë troç, Kurti me shokë u ndal për kafe në këtë Kafiteri, takoi disa simpatizantë në kohë fushate dhe e rishpalosi në fushatë për të satën herë stadiumin, përkatësisht rinovimin duke përmendur edhe shumë prej 13 milion eurosh. ‘Garant ‘ i këtij investimi pritet të jetë edhe profa, Bylbyl Sokoli, që tashmë është kandidat për deputet në zgjedhjet e përgjithshme.

Stadiumi në Prizren, lëngon që një kohë të gjatë, dhe kur tashmë para dy vitesh i ishte bërë skeleti (ndërtimi i vrazhdë), pritet të rinovohet nga fillimi.

A thua deri kur ky objekt, do të rinovohet e të pres kompletimin për tu vënë në shërbim të futbollistëve e sportistëve në përgjithësi ?!

Do theksuar se Prizreni, qendra e dytë me e madhe në vend nuk ka një stadium të kompletuar, pasi stadiumi i Lirisë është i papërfunduar. Në Korishë është jofunksional, në Sërbicë të Ulët nuk i plotëson nevojat për ndeshje të seniorëve, në Gjonaj i papërfunduar, derisa stadiumi në Zhur ka mbetur në fazën e fillestare.

Prizreni meriton një stadium gjigand pasi edhe ndodhet në trekëndëshin kombëtar, me Kukësin e Tetovën.

Shpresojmë që më në fund, Prizreni të bëhet më një stadium.

Gëzuar 2025!

Lexo edhe:

“Sfilata” e Komunës së Prizrenit për më të mirët e vitit në kulturë e sport