Maresca për yllin e rivalëve

Trajneri i Chelseat, Enzo Maresca i ka thurur elozhe yllit të Ipswich Town, Liam Delap.

Ish-produkti i të rinjve të Manchester Cityt ka qenë një nga shkëndijat e ndritshme për Tractor Boys këtë sezon.

I pyetur për zhvillimin e Delap, pasi ka punuar me të që nga koha e tij te City, Maresca tha:

“Liam është një lojtar fantastik. Gjithashtu për moshën e tij, ne kaluam një vit së bashku. Mendoj se në atë sezon, ai shënoi 22 ose 24 gola.

“Është një sulmues shumë i mirë – siç e kam thënë shumë herë, Anglia është mjaft me fat sepse ka lojtarë shumë të mirë, sulmues shumë të mirë.

“Për shkak të moshës së tij, mendoj se ai mund të jetë një lojtar i rëndësishëm për Anglinë”.