Saka, më shumë se dy muaj jashtë fushave

Trajneri i Arsenalit, Mikel Arteta, tha se Bukayo Saka ka të ngjarë të mungojë për “më shumë se dy muaj” pas një operacioni për dëmtimin e tij në muskujt e kofshës.

Sulmuesi 23-vjeçar u largua nga fusha gjatë pjesës së parë të fitores 5-1 të Arsenalit ndaj Crystal Palace më 21 dhjetor dhe u pa duke dalë nga stadiumi me paterica.

Saka është një lojtar kyç për Arsenalin, duke shënuar 9 gola dhe dhënë 13 asistime në 24 ndeshje në të gjitha garat këtë sezon.

Arsenali mposhti Ipswichin 1-0 të premten në ndeshjen e parë pas dëmtimit të Sakës, dhe Arteta, duke folur pas fitores që i çoi në vendin e dytë në renditje, konfirmoi afatin kohor për rikuperimin e lojtarit të kombëtares angleze.

“Ai kreu një procedurë,” tha trajneri i Arsenalit. “Gjithçka shkoi mirë, por për fat të keq do të mungojë për shumë javë.

“Thashë shumë javë, kështu që mendoj se do të jetë më shumë se dy muaj. Nuk e di saktësisht sa më shumë.

“Do të varet nga mënyra se si fillon të shërohet indi mbresë, javën e parë ose më shumë, dhe nga lëvizshmëria. Le të shohim, është shumë e vështirë të thuhet".